ប្រវត្តិ សង្ខេប លោក ជា ច័ន្ទបរិបូរណ៍ -History of Mr. CHEA CHANBORIBO សង្ខេប Sangkeb

លោក ជា ច័ន្ទបរិបូរណ៍ ត្រូវបានព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ត្រាស់បង្គាប់តែងតាំង ជារដ្ឋលេខាធិការ នៃក្រសួងព័ត៌មាន។ នេះបើយោងតាមព្រះរាជក្រឹត្យ ចុះថ្ងៃទី២២ ខែសីហា ឆ្នាំ២០២៣។

លោក ជា ច័ន្ទបរិបូរណ៍ ( CHEA CHANBORIBO) កើតនៅថ្ងៃទី ០៥ ខែមេសា ឆ្នាំ១៩៦៧ នៅសង្កាត់លេខ៥ រាជធានីភ្នំពេញ បច្ចុប្បន្ន សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។ លោកគឺជាកូនរបស់ លោក ជា សុធីរ មន្ត្រីបច្ចេកទេសឃោសនាការប្រាំសម័យកាលនៃរបបនយោបាយនៅកម្ពុជា និង ម្តាយឈ្មោះ : ជា សីថន ។

លោក ជា ច័ន្ទបរិបូរណ៍ មានបងប្អូនបង្កើតចំនួន ៥នាក់៖

១.ជា ច័ន្ទតារា ភេទ : ស្រី កើតឆ្នាំ : ១៩៦៤ មុខរបរ: មន្រ្តីរាជការ រាជធានីភ្នំពេញ

២.លោក ជា ច័ន្ទបរិបូរណ៍ ភេទ : ប្រុស កើត ឆ្នាំ១៩៦៧ មុខរបរៈ រដ្ឋលេខាធិការក្រសួងព័ត៌មាន

៣.ជា ច័ន្ទផល្លា ភេទ : ស្រី កើតឆ្នាំ : ១៩៦៨ មុខរបរ: មន្រ្តីផលិតកម្មវិធីទូរទស្សន៍បាយ័ន ភ្នំពេញ

៤.ជា ច័ន្ទវឌ្ឍនា ភេទ : ស្រី កើតឆ្នាំ : ១៩៧០ មុខរបរ: មន្រ្តីបម្រើការនៅរដ្ឋបាល ភ្នំពេញ

៥.ជា ច័ន្ទមករា ភេទ : ស្រី កើតឆ្នាំ : ១៩៧២ មុខរបរ: មន្រ្តីអាកាសចរស៊ីវិល ភ្នំពេញ

លោក ជា ច័ន្ទបរិបូរណ៍ បានរៀបអាពាហ៍ពិពាហ៍ជាមួយលោកស្រី ហង្ស ភួងម៉ាឡា ដែលមានមុខរបរសព្វថ្ងៃ : គ្រូបង្រៀន និង ជាទីប្រឹក្សាក្រសួងវប្បធម៌ និងវិចិត្រសិល្បះ។ លោកស្រីគឺជាកូន លោកព្រឹទ្ធាចារ្យ ហង្ស ឃុត និងលោកស្រី ជា សុខុន។

ចំណងអាពាហ៍ពិពាហ៍ លោក ជា ច័ន្ទបរិបូរណ៍ ជាមួយលោកស្រី ហង្ស ភួងម៉ាឡា ទទួលបានកូនជាចំណងដៃចំនួយន២នាក់

១. ជា វុឌ្ឍី ភេទ : ប្រុស កើតនៅឆ្នាំ : ១៩៩៣ មុខរបរ: ទីប្រឹក្សាក្រសួងព័ត៌មាន និង ជាមន្រ្តីនាយកដ្ឋានបច្ចេកទេស នៃវិទ្យុជាតិកម្ពុជា លោកបានរៀបអាពាហ៍ពិពាហ៍ជាយមួយលោកស្រី នូ សេរីធីតា នៅថ្ងៃទី២០ ខែឆ្នូ ឆ្នាំ២០២០។

២. ជា សុធន ភេទ : ប្រុស កើតនៅឆ្នាំ : ១៩៩៦ មុខរបរ: មន្រ្តីជាប់កិច្ចសន្យាក្រសួងព័ត៌មាន។

ប្រវត្តិការសិក្សា

លោកជា ច័ន្ទបរិបូរណ៍ ត្រូវបានរដ្ឋាភិបាលសាធារណរដ្ឋប្រជាមានិតកម្ពុជា បញ្ជូនទៅសិក្សានៅសាធារណរដ្ឋប៊ុលហ្គារីនៅក្នុងទសវត្សរ៍៨០។ បន្ទាប់ពីបានទៅដល់ទីនោះ លោកបានសិក្សាលើជំនាញតន្ត្រី រហូតទទួលបានសញ្ញាបត្របណ្ឌិតទស្សនវិជ្ជាតន្ត្រី ។ នៅក្នុងប្រទេសប៊ុលហ្គារីផងដែរ លោកបានខិតខំសិក្សាបន្ថែមពីរមុខវិជ្ជាថែមទៀត ដោយហេតុថា លោកស្រឡាញ់នូវមុខវិជ្ជាវិស្វករសំឡេង Sound enginer ។ កម្មវិធីសិក្សារបស់សាកលវិទ្យាល័យជាតិតូរ្យតន្ត្រីប៊ុលហ្គារី តម្រូវឲ្យនិស្សិតទាំងអស់ ត្រូវរៀនមុខវិជ្ជាសេដ្ឋកិច្ចនយោបាយ ទស្សនវិជ្ជា ចិត្ដវិទ្យា ។ល។ ដោយសារការស្រឡាញ់ ទៅលើមុខវិជ្ចាសេដ្ឋកិច្ចនយោបាយ លោកជា ច័ន្ទបរិបូរណ៍ បានបំពេញបន្ថែមក្រេឌីត ដើម្បីសិក្សាយកថ្នាក់អនុបណ្ឌិតសេដ្ឋកិច្ចនយោបាយតែម្តង។

- មុនឆ្នាំ ១៩៧០ : សិស្សសាលាបឋមសិក្សាវត្តសន្សំកុសល

- ពីឆ្នាំ ១៩៧០ ដល់ ១៩៧៥ : សិស្សសាលាបឋមសិក្សាវត្តសន្សំកុល

+ ពីឆ្នាំ ១៩៧៩ ដល់ ១៩៨៥ : សិស្សសាលាវិចិត្រសិល្បះ

+ ពីឆ្នាំ ១៩៨៥ ដល់ ១៩៩៣ : និស្សិតបណ្ឌិតសភា វិទ្យាសាស្រ្ត និង វប្បធម៌ ប្រទេសប៊ុលហ្គារី

ប្រវត្តិការងារ

នៅពេលវិលត្រឡប់មកកម្ពុជាវិញ លោក ជា ច័ន្ទបរិបូរណ៍ បានចូលបម្រើការងាររដ្ឋ នៅថ្ងៃទី១០ ខែធ្នូ ឆ្នាំ១៩៩៣ លោកបានធ្វើការនៅក្រសួងវប្បធម៌ និងវិចិត្រសិល្បៈនាទសវត្សរ៍៩០ ពីឆ្នាំ ១៩៩៣ ដល់ ១៩៩៧ ហើយនាពេលនោះ លោកបានដង្ហែរសម្ដេចព្រះបរមរតនកោដ្ឋ នៅពេលព្រះអង្គវិលត្រឡប់មកកម្ពុជាវិញ។បន្ទាប់ពីកិច្ចព្រមព្រៀងទីក្រុងប៉ារីស៍ លោកបានទទួលនូវការស្រឡាញ់សព្វព្រះហរទ័យពីព្រះករុណា នរោត្តម សីហនុ នៅក្នុងទេពកោសល្យរបស់លោក។

ពីឆ្នាំ ១៩៩៧ ដល់ ២០០៣ ជាទីប្រឹក្សាប្រធានរដ្ឋសភា (មានឋានៈស្នើរដ្ឋលេខាធិការ)។

លោក ជា ច័ន្ទបរិបូរណ៍ ក៏ជាសាស្ត្រាចារ្យមួយរូបធ្លាប់បានបង្រៀននៅសាលាវិចិត្រសិល្បៈ ធ្លាប់ធ្វើជាអគ្គលេខាធិការអង្គការសង្គមស៊ីវិលមួយឈ្មោះថាស៊ីអិនរ៉ូ ធ្លាប់ធ្វើជាប្រធានកម្មវិធីសំឡេងប្រជាធិបតេយ្យនៅអង្គការសិទ្ធិមនុស្សកម្ពុជា នាឆ្នាំ២០០៣។

ពីឆ្នាំ ២០០៣ ដល់ ២០០៦ លោកមានតួនាទីជា អនុរដ្ឋលេខាធិការ និងរដ្ឋលេខាធិការក្រសួងព័ត៌មាន

នាឆ្នាំ២០០៤ លោកជា ច័ន្ទបរិបូរណ៍ ត្រូវបានផ្តល់តួនាទីបម្រើការក្នុងក្រសួងព័ត៌មានដែលមានឋានៈជាអនុរដ្ឋលេខាធិការកូតាគណបក្សហ្វ៊ុនស៊ិនប៉ិច។ ប្រាំមួយខែក្រោយមក នៅឆ្នាំដដែល លោកក៏ត្រូវបានដំឡើងជារដ្ឋលេខាធិការក្រសួងព័ត៌មាន។

លោកជា ច័ន្ទបរិបូរណ៍ នៅតាមដង្ហែរសម្ដេចក្រុមព្រះ រហូតដល់គណបក្សនរោត្តមរណឫទ្ធិ ហើយលោកនៅតែទទួលតួនាទីជាអ្នកនាំពាក្យ និងអគ្គលេខាធិការរង។

ពីឆ្នាំ ២០០៦ ដល់២០០៨ ជាអ្នកនាំពាក្យប្រធានឧត្តមប្រឹក្សាព្រះមហាក្សត្រ។

នៅឆ្នាំ២០១១ លោក ជា ច័ន្ទបរិបូរណ៍ ក៏បានក្រាបថ្វាយបង្គំ សុំលាសម្ដេចក្រុមព្រះ ដើម្បីបំពេញកិច្ចការងារ ធម្មតាក្នុងក្រុមហ៊ុនមួយដែលទិញសិទ្ធរបស់ក្រុមហ៊ុនផលិតបទចម្រៀងពីប្រទេសថៃ។

នៅក្នុងឱកាសបម្រើសម្តេចក្រុមព្រះ លោក ជា ច័ន្ទបរិបូរណ៍ មានឱកាសបានរៀនផ្នែកហោះហើរយន្តហោះក្នុងក្រុមហ៊ុន Royal Air Servis លើប្រភេទយន្តហោះធុនតូចដែលលោកទទួលបានអាជ្ញាប័ណ្ណ ជាអ្នកហោះហើរយន្តហោះឯកជន។

នៅថ្ងៃទី២១ ខែសីហា ឆ្នាំ ២០១១ លោកបានសុំចូលរួមជីវិតនយោបាយជាមួយគណបក្សប្រជាជនកម្ពុជារហូតមកដល់បច្ចុប្បន្ន។

នៅឆ្នាំ ២០១២ លោកទទួលបានតួនាទីជាអគ្គនាយករងរដ្ឋបាល និង ហិរញ្ញវត្ថុក្រសួងព័ត៌មាន និងជាទីប្រឹក្សារាជរដ្ឋាភិបាល (មានឋានៈស្នើររដ្ឋលេខាធិការ) បន្ទាប់មក នៅឆ្នាំ ២០១៣ លោកទទួលបានតួនាទីជារដ្ឋលេខាធិការក្រសួងព័ត៌មាន និង ជាទីប្រឹក្សាគណៈកម្មាធិការជាតិអូឡាំពិកកម្ពុជា។

គួររំលឹកផងដែរថា៖