ប្រវត្តិ សង្ខេប លោក ថៃ នរៈសត្យា -History of Mr. Thai Norak Sathya by សង្ខេប Sangkeb

លោក ថៃ នរៈសត្យា ត្រូវបានព្រះករុណ ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ត្រាស់បង្គាប់តែងតាំង និងផ្ដល់ឋានៈជាទីប្រឹក្សារាជរដ្ឋាភិបាល ដែលមានឋានៈស្មើ រដ្ឋលេខាធិការ សម្រាប់ រាជរដ្ឋាភិបាល អាណត្តិទី៧ ។

នេះបើយោងតាមព្រះរាជក្រឹត ចុះថ្ងៃទី២៦ ខែសីហា ឆ្នាំ២០២៣។

ដោយឡែកមុននឹងមានតួនាទីដូចសព្វថ្ងៃនេះតើលោកមានប្រវត្តិការងារ និងប្រវត្តិកាសិក្សាបែបណាសូមស្ដាប់ការបកស្រាយរបស់សង្ខេបដូចតទៅ......។

លោក ថៃ នរៈសត្យា កើតនៅថ្ងៃទី ០៩ ខែកុម្ភះ ឆ្នាំ១៩៥៤ ដែលមានទីកន្លែងកំណើតនៅ ស្រុកស្អាង ខេត្ត កណ្ដាល។ ភរិយាលោក គឺលោកស្រី ទេព សុធីតា។

ប្រវត្តិការសិក្សា

លោក ថៃ នរៈសត្យា មានកម្រិតវប្បធម៌សញ្ញាបត្រមធ្យមសិក្សាភាគ២ (BAC II) និង បរិញ្ញាប័ត្រជាន់ខ្ពស់ ផ្នែកវិទ្យាសាស្ត្រ នយោបាយ ជំនាន់ទី២ នៃសាកលវិទ្យា C.U.P ។

ប្រវត្តិការងារ

នៅឆ្នាំ ១៩៧០ ដល់ ១៩៧៥ :ចូលបម្រើកងទ័ព, វិទ្យុបាថកៈ និងជាប្រធានការិយាល័យផ្សាយនៃវិទ្យុ “សម្លេងយុទ្ធជន (សាធារណៈរដ្ឋខ្មែរ)។

នៅឆ្នាំ ១៩៧៥ ដល់ ១៩៧៩ :កសិករនៅភូមិគ្រើល ឃុំអន្សោង ស្រុកកំពង់ត្របែក ខេត្តព្រៃវែង។

នៅឆ្នាំ ១៩៧៩ ដល់ ១៩៨០ :អនុប្រធានវិទ្យុសម្លេងរដ្ឋធានីភ្នំពេញ ចំណុះ គ.ប.ប.ភ។

នៅឆ្នាំ ១៩៨០ ដល់ ១៩៩៤ :សិក្ខាកាមសាលានយោបាយភ្នំពេញជំនាន់២, ប្រធានអនុខ័ណ្ឌ៣ នៃគណៈចលនាមហាជនតំបន់ ៤, ប្រធានរដ្ឋបាលតំបន់៤, ប្រធានអនុខ័ណ្ឌ២ (បុរីយោធា និងបុរីកម្មករផ្លូវដែក), ប្រធានអង្គភាពពលករ ទឹកសាបកំពង់សោម និង ក.៥ ,ប្រធានមណ្ឌលវប្បធម៌អតីតតំបន់៤។

នៅឆ្នាំ ១៩៩៤ ដល់ ២០០៨ :ប្រធានសមាគមន៍កសិករខ្មែរ “ស្នាក់ការរាជធានីភ្នំពេញ”, និពន្ធនាយកការសែតចេញផ្សាយក្នុងស្រុក “សាកល”, ចាងហ្វាងការផ្សាយការសែត “ភ្នំពេញថ្មី” ដែលជាការសែត ០១ ក្នុងចំណោមការសែតចំនួន ០៧ នៃ បាយ័ន មីឌា អគ្គនាយករង វិទ្យុ-ទូរទស្សន៍បាយ័ន។ ទីប្រឹក្សាផ្ទាល់សម្ដេចអគ្គមហាសេនាបតីតេជោនាយករដ្ឋមន្ត្រី និងជា រដ្ឋលេខាធិការក្រសួងវប្បធម៌។

លុះដល់ ថ្ងៃទី ២៦ ខែសីហា ឆ្នាំ២០២៣ លោក ថៃ នរៈសត្យា ត្រូវបានព្រះមហាក្សត្រនៃព្រះរាជាណាចក្រកម្ពុជា ត្រាស់បង្គាប់តែងតាំង និងផ្ដល់ឋានៈជាទីប្រឹក្សារាជរដ្ឋាភិបាល ដែលមានឋានៈស្មើ រដ្ឋលេខាធិការ សម្រាប់ រាជរដ្ឋាភិបាល អាណត្តិទី៧

គ្រឿងឥស្សរិយយស

- មេដាយមាសការងារ មេដាយមុនីសារភ័ណ្ឌ ថ្នាក់ធិបឌិន
- មេដាយមុនីសារភ័ណ្ឌផ្នែកតែងនិពន្ធ មេដាយមុនីសារភ័ណ្ឌ ថ្នក់មហាសេនា
- មេដាយមាសស្ថាបនាជាតិ មេដាយ សុវត្ថារ៉ា ថ្នាក់មហាសេនា
- មេដាយអស្សរិទ្ធ និងធិបឌិន ទីសេនា មេដាយព្រះរាជាណាចក្រកម្ពុជា ថ្នាក់មហាសេនា
- មេដាយព្រះរាជាណាចក្រកម្ពុជា ថ្នាក់ធិបឌិន មេដាយព្រះរាជាណាចក្រកម្ពុជាថ្នាក់មហាសេរីវឌ្ឍន៍