ប្រវត្តិ សង្ខេប លោកស្រី អ៊ាត សោភា-History of Mrs. Eat Sophea by សង្ខេប ...

លោកស្រី អ៊ាត សោភា ជាមន្ត្រីជាន់ខ្ពស់មួយរូបរបស់ក្រសួងការបរទេសកម្ពុជា ដែលបានចូលរួមចំណែកលើការបំពេញកិច្ចការទំនាក់ទំនងអន្តរជាតិ ជាពិសេសកិច្ចការការទូតរវាងកម្ពុជា និងអាស៊ាន ដើម្បីជំរុញការទំនាក់ទំនង

ឲ្យកាន់តែជិតស្និទ្ធនិងស៊ីជម្រៅថែមទៀត។

 

ដោយឡែក មុននឹងមានតួនាទី ដូចសព្វថ្ងៃនេះ តើលោកស្រីមានប្រវត្តិការងារ និង ប្រវត្តិការសិក្សាបែបណាសូមស្ដាប់ការបកស្រាយរបស់សង្ខេបដូចតទៅ.........

 

លោកស្រី អ៊ាត សោភា កើតនៅថ្ងៃទី១៦ ខែធ្នូរ ឆ្នាំ ១៩៦៤ លោស្រីបានរៀបអាពាហ៍ពិពាហ៍ ជាមួយលោក កែវ ឈា ជាឯកអគ្គរាជទូតកម្ពុជាប្រចាំនៅសហរដ្ឋអាមេរិក

 

ចំពោះការសិក្សាលោកស្រី អ៊ាត សោភា បានទទួលការបណ្ដុះបណ្ដាលនិងអប់រំទាំងនៅកម្ពុជា ទាំងនៅឥណ្ឌា និងប្រទេស​អូស្ត្រាលី។

 

លោកស្រី ទទួលបានសញ្ញាបត្របញ្ជាក់ការសិក្សាមួយចំនួនដូចជា ថ្នាក់បរិញ្ញាបត្រផ្នែកភាសា​អង់គ្លេស​នៅសាកលវិទ្យាល័យ Jawaharlal Nehru ប្រទេសឥណ្ឌា និងបញ្ចប់វគ្គបណ្ដុះបណ្ដាលជំនាញការទូតនៅក្រសួងការបរទេសកម្ពុជានៅឆ្នាំ១៩៩១ វិញ្ញាបនបត្រវិក្រឹត្យការភាសាអង់គ្លេស នៃវិទ្យាស្ថានភាសាអង់គ្លេស ប្រទេស​ឥណ្ឌា

 

នៅឆ្នាំ១៩៩៦ វិញ្ញាបនបត្រថ្នាក់ក្រោយឧត្តមសិក្សាផ្នែកច្បាប់អន្តរជាតិ និងការទូត នៃបណ្ឌិតសភាច្បាប់អន្តរជាតិ និងការទូតឥណ្ឌា និងនៅឆ្នាំ២០០៤ លោកស្រី អ៊ាត សោភា បញ្ចប់សញ្ញាបត្រអនុបណ្ឌិតនយោបាយ និង

រដ្ឋបាល​សាធារណៈ​នៅសាកលវិទ្យាល័យ Flinders ប្រទេសអូស្ត្រាលី៕

 

មុនឡើងមកកាន់តំណែងជាន់ខ្ពស់នៅក្រសួងការបរទេស លោកស្រី អ៊ាត សោភា បានផ្ដើមចូលបម្រើការងារជាមន្ត្រីការិយាល័យព័ត៌មាននៃក្រសួងការបរទេសតាំងពីឆ្នាំ១៩៨៥។ នៅពេលនោះ លោកស្រី បានទទួលភារកិច្ចនិងតួនាទីជាបន្តបន្ទាប់នៅក្រសួងការបរទេសកកម្ពុជាជាអាទិ៍៖ ជាអនុប្រធានការិយាល័យអាស៊ីបូព៌ា បន្ទាប់មកឡើងជាប្រធានការិយាល័យ​អាស៊ីបូព៌ា ហើយផ្លាស់មកកាន់ជាប្រធានការិយាល័យអឺរ៉ុបកណ្ដាល និងក្រោយមកលោកស្រីមានតួនាទីជាអនុប្រធាននាយកដ្ឋានទទួលបន្ទុកកិច្ចការអាស៊ីបូព៌ានិងប៉ាស៊ីហ្វិក។ ទន្ទឹមនេះ លោកស្រីក៏ធ្លាប់ធ្វើជាលេខាធិការទី២ នៃស្ថានឯកអគ្គរាជទូតកម្ពុជាប្រចាំនៅប្រទេសឥណ្ឌា ចន្លោះឆ្នាំ១៩៩៤ ដល់ឆ្នាំ១៩៩៧

 

 

បច្ចុប្បន្ន លោកស្រី អ៊ាត សោភា កំពុងកាន់តំណែងជារដ្ឋលេខាធិការក្រសួងការបរទេស និងសហប្រតិបត្តិការអន្តរជាតិ ទទួលបន្ទុកកិច្ចការអាស៊ី-ប៉ាស៊ីហ្វិក។ មុនឡើងតំណែងជារដ្ឋលេខាធិការ លោកស្រីធ្លាប់កាន់តំណែងជា

អនុរដ្ឋលេខាធិការក្រសួងការបរទេសកាលពីឆ្នាំ២០១៧ និងធ្លាប់បំពេញតួនាទីជាឯកអគ្គរាជទូតកម្ពុជាប្រចាំនៅប្រទេសថៃ រយៈពេលប្រមាណ ៣ឆ្នាំ ពោលគឺនៅឆ្នាំ២០១៤ ដល់ឆ្នាំ២០១៧។ ខណៈនៅឆ្នាំ២០០៨ លោកស្រីក៏ធ្លាប់ធ្វើជាអនុរដ្ឋលេខាធិការ ដោយទទួលបន្ទុកកិច្ចការអាហ្រ្វិក និងមជ្ឈិមបូព៌ា ហើយជានាយកខុទ្ទកាល័យរដ្ឋមន្ត្រីក្រសួងការបរទេស លោក ហោ ណាំហុង។

 

លោកស្រី អ៊ាត សោភា ក្នុងនាមជាឧត្តមមន្រ្តីអាស៊ានរបស់កម្ពុជាបានចូលរួមដឹកនាំកិច្ចប្រជុំឧត្តមមន្រ្តីអាស៊ាន កិច្ចប្រជុំរដ្ឋមន្រ្តីការបរទេសអាស៊ាន និងកិច្ចប្រជុំកំពូលអាស៊ាន កាលអំឡុងពេលដែលកម្ពុជាធ្វើជាម្ចាស់ផ្ទះនៃកិច្ចប្រជុំកំពូលអាស៊ាន លើកទី៤៤ និងលើកទី៤៥ កាលពីខែវិច្ឆិកា ឆ្នាំ២០២២ កន្លងទៅនេះ។

 

 

Via: kampucheathmey