ប្រវត្តិ សង្ខេប រដ្ឋមន្ត្រីក្រសួងមហាផ្ទៃ ស សុខា-History of Minister of I...

លោក ស សុខា ត្រូវបានព្រះករុណាព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ត្រាស់បង្គាប់ដំឡើងឋានន្តរស័ក្តិ នាយឧត្តមសេនីយ៍ ដល់ ឧត្តមសេនីយ៍ឯក ស សុខា មានអត្តលេខ ៥១៣០០ នាយនគរបាលថ្នាក់ឧត្តមសេនីយ៍ ក្របខ័ណ្ឌមន្ត្រីនគរបាលជាតិកម្ពុជា នៃក្រសួងមហាផ្ទៃ នេះបើយោងតាមព្រះរាជក្រឹត្យចុះថ្ងៃទី២៣ ខែសីហា ឆ្នាំ២០២៣

ដោយឡែក មុននឹងមានតួនាទីដូចសព្វថ្ងៃនេះ តើលោក មានប្រវត្តិការងារ និងប្រវត្តិការសិក្សាបែបណាសូមស្ដាប់ការបកស្រាយរបស់សង្ខេបដូចតទៅ.......

លោក ស សុខា កើតនៅថ្ងៃទី០៤ មិថុនា ឆ្នាំ១៩៨១ នៅខេត្តព្រៃវែង លោកគឺជាកូនប្រុសច្បងរបស់ សម្តេចក្រឡាហោម ស ខេង អតីតឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាអនុប្រធានគណបក្សប្រជាជនកម្ពុជា និងមានម្ដាយឈ្មោះ ញ៉ែម សាខន ។

លោក ស សុខា មានបងប្អូនបង្កើត៣នាក់ ទី១គឹលោក ស សុខា ទី២លោកស្រី ស ស៊ីណា និងទី៣លោក ស រដ្ឋា មានតួនាទីជា អគ្គស្នងការរង នៃអគ្គស្នងការដ្ឋាននគរបាលជាតិ

លោក ស សុខា បានរៀបអាពាហ៍ពិពាហ៍ ជាមួយលោកស្រី កែ សួនសុភី និងមានកូនប្រុសស្រីជាចំណងដៃចំនួន ៤នាក់ ប្រុ២សនាក់ និង ស្រីពីនាក់។ លោកស្រី កែ សួនសុភី គឺជាកូនស្រីពៅរបស់នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រីទទួកបន្ទុក អាជ្ញាធរជាតិប្រយុទ្ធប្រឆាំងគ្រឿងញៀន និងលោកស្រី ម៉ៅ ម៉ាឡៃ កែ គឹមយ៉ាន

ប្រវត្តិការសិក្សា

លោក ស សុខា បានទៅសិក្សានៅប្រទេសបារាំង និងទទួលបានសញ្ញាប័ត្របណ្ឌិត។ ក្រៅពីនេះ លោកក៏បានទៅសិក្សានៅប្រទេសអាល្លឺម៉ង់(Germany) សាធារណរដ្ឋឆេក (Czech) និងប្រទេសសិង្ហបុរី (Singapore) ផ្នែកអភិវឌ្ឍន៍ជនបទ វិទ្យាសាស្ត្រអប់រំ គ្រប់គ្រង ច្បាប់ស៊ីវិល គ្រប់គ្រងរដ្ឋបាលថ្នាក់ក្រោមជាតិ នគរបាល និងជំនាញយោធា ហើយចេះភាសាបារាំង និងអង់គ្លេស។

លោក ស សុខា ក្នុងវ័យ៤២ឆ្នាំ ធ្លាប់ធ្វើជានគរបាលក្របខ័ណ្ឌក្រសួងមហាផ្ទៃ ជាជំនួយការឪពុករបស់លោក គឺ សម្តេចក្រឡាហោម ស ខេង ជាស្នងការរងនគរបាលរាជធានីភ្នំពេញ ទទួលបន្ទុកសណ្ដាប់ធ្នាប់ ជារដ្ឋលេខាធិការក្រសួងអប់រំ។ ក្រៅពីនេះ លោកត្រូវបានតែងតាំងជាប្រធានក្រុមប្រឹក្សាភិបាលនៃសាកលវិទ្យាល័យជាតិមានជ័យ ក្នុងខេត្តបន្ទាយមានជ័យ សាកលវិទ្យាល័យជាតិបាត់ដំបង ក្នុងខេត្តបាត់ដំបង និងសាកលវិទ្យាល័យជាតិ ជា ស៊ីម កំចាយមារ ខេត្តព្រៃវែង។ បន្ថែមពីនេះ លោក ស សុខា ក៏ត្រូវបានតែងតាំងធ្វើជាប្រធានសហភាពសហព័ន្ធយុវជនកម្ពុជា (ស.ស.យ.ក) ខេត្តព្រៃវែង បាត់ដំបង និងបន្ទាយមានជ័យ។

លោក ស សុខា ធ្វើជាតំណាងរាស្ត្រ មណ្ឌលព្រៃវែង គណបក្សប្រជាជនកម្ពុជា រយៈពេល២អាណត្តិ ហើយការបោះឆ្នោតជាតិឆ្នាំ២០២៣ លោកក៏ជាប់ឆ្នោតជាតំណាងរាស្ត្រខេត្តព្រៃវែង៕

នៅថ្ងៃទី២២ ខែសីហា ឆ្នាំ២០២៣ លោក ស សុខា ត្រូវបានព្រះមហាក្សត្រ នៃព្រះរាជាណាចក្រកម្ពុជា ត្រាស់បង្គាប់តែងតាំងជា ឧបនាយករដ្ឋមន្ត្រី នីតិកាលទី៧។

គួររំលឹកផងដែរថា